Biz ádette quqyq qorǵaý organdary men polısıa ókilderin kinálap jatamyz. Biraq olardyń ishinde de óz kásibin adal atqaryp, qıyn jaǵdaıda kómek qolyn sozatyndar kóp.
22 jeltoqsan kúni Jambyl oblysy aýmaǵynda qarly boran soǵyp, kóptegen júrgizýshilerdiń jolda qalǵany málim. Osynaý qıyn qystaý, qarly boran kezinde jolǵa shyǵyp, qarly boranda júrginshilerge vıdeo arqyly úndeý jarıalaǵan polkovnık kim? Anyqtap bilgenimizdeı, ol Jambyl oblysy polısıa departamenti jergilikti polısıa qyzmeti basqarmasy basshysynyń orynbasary Samat Qusaıynov bolyp shyqty.
Ol quqyq qorǵaý salasynda 30 jyldan astam ýaqyt boıy qyzmet isteıdi. Jasy-53-te.
– Aýa raıynyń qolaısyzdyǵyna baılanysty Jýaly aýdanynyń aýmaǵynda bir kúnnen beri jol jabyq. Qatty jel soǵyp tur, boran, joldyń kóriný qashyqtyǵy qıyn. Óte qaýipti. Sondyqtan da júrgizýshiler qozǵalysty tejep, jaqyn eldimekenderdi qalýlaryńyzdy suraımyn, – deıdi ol vıdeoúndeýde.
...Qazir boran basyldy. Jol ashyq.
Pikir qaldyrý